Православный акафист святой Татьяне

Среди множества православных праздников, относящихся к почитанию того или иного святого день памяти святой великомученицы Татьяны особо любим не только христианкам с этим прекрасным именем, но и всем тем верующим, которые просят и получают помощь по своим молитвам к этой святой христианке. В церковном богослужении особой молитвой считается акафист святой Татьяне, в котором ее называют “невестой Христа” и “благоуханным цвете девства”. Молитва этой святой помогает в разных житейских ситуациях. Всем, кто слаб духом, имеет слабый характер, кому с большим трудом даются познания в науке, кто имеет проблемы со здоровьем – чтение акафиста Татиане и сила веры обязательно помогут справиться с проблемами. Особой помощницей в своих проблемах ее считают женщины с именем Татьяна, для которых она является Ангелом-хранителем.

Житие святой великомученицы Татьяны

Святая Татьяна родилась в Риме в семье истинного христианина, который с ранних лет прививал любовь к Господу своей единственной дочери. Всю свою жизнь Татьяна помогала бедным и заключенным, больным и бездомным. Когда язычники узнали, что девушка исповедует православное христианство, они обрекли ее на жесточайшие мучения. Несмотря на невыносимые муки, мученица Татьяна не отреклась от своей веры. Несколько раз подвергалась она истязаниям, но, благодаря усердным молитвам, оставалась невредима. После того, как Татьяне вынесли смертный приговор, ей отсекли голову, а затем, казнили и ее отца.

В тропаре мученице Татьяне она обращается к Господу как жениху своему и говорит, что отдает себя в жертву во имя любви к Нему и просит о спасении души. Умерла великомученица в пытках, оставшись духовно свободной и непобедимой. В наши дни в церковных богослужениях в честь празднования и памяти тех страданий, на которые пошла эта великомученица исполняется тропарь Татьяне, в котором от своего имени эта святая просит за каждого из нас перед Всевышним и молит принять ее непорочную жертву.

Слушать на видео акафист святой мученице Татьяне

Текст христианского акафиста Татьяне

Кондак №1

Избранней невесте Христа, Вседержителя твари, похвальная пения восписуем, чистоту жития твоего девственнаго восхваляюще и лобызающе честная страдания твоя: ты бо ныне ликуеши в чертозе Небесного Твоего Жениха Христа. Помилуй прославляющих тя пении сими, да зовем ти: Радуйся, благоуханный цвете девства, славная мученице Татиано.

Икос №1

Ангелов Творец избра тя из древняго Рима, да песнопоеши житием твоим святое имя Божие, от лет детства твоего воспитана бысть в страсе Божии и добродетелех, сего ради зовем ти:

Радуйся, юнице сладкоуханная,
Радуйся, Божественное Писание возлюбившая,
Радуйся, благочестие в себе воспитавшая,
Радуйся, богобоязненному родителю внимавшая,
Радуйся, от него семена веры приявшая,
Радуйся, в страсе Божии воспитанная,
Радуйся, паче всех благ вечная возлюбившая,
Радуйся, благоуханный цвете девства, славная мученице Татиано.

Кондак №2

Видя богобоязненный родитель твой житие твое, всечестная, насладися дарований Божественных в тебе, паче бо знатности своея и власти консульския любляше Христа, всяк день хвалу Ему поя: Аллилуия.

Икос №2

Разум Небесный тебе даровася, егда достигла еси юности Твоея и восхотела еси житие твое проводити в девстве и целомудрии. Христос же Бог, укрепляя тя в сих добродетелех, прият тя в Небесная селения; сего ради приими от нас лики сия:

Радуйся, птице, парящая в Небеса; Радуйся, яко девство и целомудрие быста твои криле,

Радуйся, Бога предпочетшая миру,
Радуйся, юность скою Христу посвятившая,
Радуйся, лествице Божественнаго сада,
Радуйся, токмо ко Христу любовию пламеневшая,
Радуйся, служившая Ему день и нощь,
Радуйся, благоуханный цвете девства, славная мученице Татиано.
Кондак 3

Сила Божественныя любве содела тя служительницу Христу, бысть бо избрана и поставлена на славное служение диаконисс и оттоле, служащи Церкви в радости велией, возглашаше непрестанно: Аллилуия.

Икос №3

Имущи ревность о Церкви Божией, в новом знании подвизалася еси, труды и подвиги усугубляя и, подобне безтелеспым Ангелом, служащи ближним во Христе. Мы же, отягченнии грехми, сице глаголем ти:

Радуйся, молитвою услаждавшая житие твое,
Радуйся, в звании диакониссы Богови послужившая,
Радуйся, в темницах узников посещавшая,
Радуйся, им узы врачевавшая и украшавшая,
Радуйся, добропобедное постничества правило,
Радуйся, благодати Крещения споспешнице,
Радуйся, ко крещению жен приуготовлявшая,
Радуйся, бедных и вдовиц окормлявшая,
Радуйся, в беде и несчастии отраду носящая,
Радуйся, благоуханный цвете девства, славная мученице Татиано.

Кондак №4

Бурю злых напастей претерпе нечестивый царь Антоний Гелиогабал, егда тело его, воином возведшим на царство Римское Александра Севира, влекомо бысть по граду и с поруганием ввержено бысть в реку Тибр. Ты же, всеславная мученице, пострада за Христа во дни его царства, песнопоя Богу: Аллилуия.

Икос №4

Слышаше и видяще яко млад есть царь Александр Севир, нечестивии консулы прнтерпяху христиан, злочестивый и зверонравный епарх Ульпиан, убийство «галилеян» помыслив, повеле кланятися римским богам. Бысть бо страк велий тогда и потече, яко вода, кровъ мучеников. Ты же, всеблагая Татиано. нс убоялася еси страха человеческаго. Сего ради мы с любовию восклицаем ти:

Радуйся, заблуждение царя Александра Севира посрамившая,
Радуйся, Христа н идолов не сочетавшая в поклонении,
Радуйся, токмо единому Христу послужившая,
Радуйся, идолы яко сатану вменившая,
Радуйся, Ульпианова страха не убоявшаяся,
Радуйся, сочетанию со Христом приуготовлявшаяся,
Радуйся, правоверия добрая цевнице,
Радуйся, страха смертнаго низложительнице,
Радуйся, благоуханный цвете девства, славная мученице Татиано.

Кондак №5

Божественный свет осия житие твое, святая мученице, егда приспе время страданий твоих, ты бо, облеченная светом, вошла еси в горнило страданий и быша радостны раны твоя смертныя. Ангели Божии служаху тебе и восклицаху непрестанно Богу: Аллиллуия.

Икос №5

Видяще чистое житие твое, вожди язычестии яша тя яко христианку н ведоша в языческий храм на поклонение. Ты же вознесе молитву Христу Богу, и паде Аполлон бог языческий, обвалися капище идольское, и мнози идолопоклонницы смерть прияша. Мы же, чтуще силу молитвы твоея, глаголем:

Радуйся, тобою бо капише распадеся,
Радуйся, тобою бо идолопоклонницы посрамишася,
Радуйся, тобою бо научишася покланятися Единому Богу,
Радуйся, из Аполлона беса изгнавшая,
Радуйся, тень беса и рыдание диавольское показавшая,
Радуйся, благоуханный цвете девства, славная мученице Татиано.

Кондак №6

Проповедуем житие твое, велию любовь ко Христу н подвиги, ты бо подвиги и молитвою низложи идольское зломыслие, ты бо молитвою посрами мучителей, когтьми железными терзающих тело твое; изнемогаша мучители и возопиша: «Терпим бо сами жестокое мучение за праведницу сию». Ты же ликующи пояше: Аллилуия.

Икос №6

Возсия свет Христов в воинех, мучивших тя; егда же сии увероваша в Истиннаго Бога, возопиша ти: «Прости ны, служительнице Истиннаго Бога, прости, ибо несть нашея воли на страдание твое». И от того часа быша чада Божия, мы же восхваляюще чудеса милости Божия, зовем:

Радуйся, страданием ко Христу возводящая,
Радуйся, Ангелы охраняемая,
Радуйся, светом Христовым озарившая воины,
Радуйся, приведшая их в воинство небесное,
Радуйся, осмь воинов страданием за Христа венчавшая,
Радуйся, молитвою твоею им очи отверзшая,
Радуйся, мучения своя на мучителей перенесшая,
Радуйся, благоуханный цвете девства, славная мученице Татиано.

Кондак №7

Хотяще воврещи на поклонение идолом, тя ведоша в судище и мучением предаша беззаконнии язычницы. Ты же явилася еси здрава и цела: лице твое бысть светло и радостно, и страхом объят бысть судия нечестивый, повеле паки и паки предати тя горьким мучением; тя же охраняху Ангели, служители Бога, поюще: Аллилуия.

Икос №7

Новаго чуда быша свидетелие, егда сосцы твоя источиша вместо крови млеко, и тело твое, обнаженное мучений ради и ножем секомое, источи благоухание; разъярися нечестивый мучитель и повеле крестообразно на земли распрострети тя и бити жезлы железными. Мы же, чудящеся страданием твоим, рцем ти похвалами таковыми:

Радуйся, Христу сораспятая, доблественная,
Радуйся, мучителей устрашившая и удивившая,
Радуйся, к изнеможению их приведшая,
Радуйся, цевнице мужества веры,
Радуйся, яко тело твое источи благоухание неба,
Радуйся, благодатию твоею воскормившая сонмы мучеников за Христа,
Радуйся, яко и ныне благоухаеши молитвою к Богу,
Радуйся, не оставляющая нас своею помощию,
Радуйся, благоуханный цвете девства, славная мученице Татиано.

Кондак №8

Странное чудо видим на тебе, всеблаженная, како в темнице нощию молящися и воспевающи Христу хвалы, Небеснаго света сподобися озарения и Ангелов Божиих купно славословление приимаше. Тако и ныне в райских селениех со Ангелы песнопоеши: Аллилуия.

Икос №8

Весь родитель злобы бысть епарх егда паки узре тя здраву и светлу, изведену из темницы на судище, восхоте соблазнити тя на поклонение идолом; ты же, ведящи силу молитвы христианския, в храм Дианы направи нози твоя; устремися же бес из богини злочестивыя и возопи: «Горе мне, камо бежу, огнь бо снедает мя». Сего ради победительнице бесов, вопием ти радостно:

Радуйся, лести епарха не внявшая,
Радуйся, в храм Дианы вошедшая,
Радуйся, молитвою низведшая с неба огнь и капище Дианы разрушившая,
Радуйся, молитвою присно пламеневшая,
Радуйся, яко бесы присутствия твоего трепетаху и бежаху,
Радуйся, крестным знамением бесстрашно себе осенявшая,
Радуйся, в молитве очи к небу возводившая,
Радуйся, лучи благодати от неба испросившая,
Радуйся, благоуханный цвете девства, славная мученице Татиано.

Кондак №9

Все естество ангельское удивися силе молитвы твоея, егда множество не ведавших Бога падоша и смертный страх прияша, опаленнии огнем, ты же восхваляше Бога, дивнаго во святых своих, песнию: Аллилуия.

Икос №9

Ветии многоглаголавшии не могут восхвалити тя по достоянию, славная мученице Христова, кто бо возможет величие страданий твоих изрещи? Кто подвиги твоя воспоет достойно? Токмо надеясь на неизреченную милость твою дерзаем принести ти сия похвалы:

Радуйся, сладостию любве Христовой услаждающая сердца,
Радуйся, приносящая нам милость от Бога,
Радуйся, молитве научающая нас усердно,
Радуйся, прошением нашим внемлющая,
Радуйся, яко скоро прошения приносиши Богу,
Радуйся, яко горьких мучений избавляеши,
Радуйся, благоуханная ветве райская,
Радуйся, чертогов Отчих жительнице,
Радуйся, Царствия Небеснаго наследнице,
Радуйся, благоуханный цвете девства, славная мученице Татиано.

Кондак №10

Спасительнаго твоего подвига зряше течение, восхваляем страдания твоя; ты бо бичевание крестообразное, к полу пригвождение, тела иссечение, биение и осмеяние, в темнице заключение и ины злострадания претерпела еси, ныне же, венцем Царствия Небеснаго венчавшися, со всеми святыми взываеши: Аллилуия.

Икос №10

Стена и адамант была еси, егда на растерзание зверем приведена, и тии не растерзаша тя; но егда хотяху отъяти льва, сей абие разсвирепе и разтерза сановника Евмения, указуя силу христианскую. Сего ради глаголем в страсе:

Радуйся, зверей в негнев претворяющая,
Радуйся, молитвою их умягчающая,
Радуйся, за смерть Евмениеву мучимая,
Радуйся, на древе подвешенная,
Радуйся, железными когтьми струженная,
Радуйся, в волхвовании оклеветанная,
Радуйся, нас клеветы избавляющая,
Радуйся, от злаго волхвования нас сохраняющая,
Радуйся, благоуханный цвете девства, славная мученице Татиано.

Кондак №11

Пение непрестанное возносящи ко Господу, была еси вместилищем силы и славы Божия, сего ради молим тя: умоли Господа за грешных, святая мученице Татиано, да ниспошлет и нам чудеса милости Своея, песнопоющим ныне: Аллилуия.

Икос №11

Светоподательная свеща бысть во страдании твоем, святая мученице, озаряя светом сердца языческия, да обрящут Истиннаго Бога, да водворятся их души в селениех райских. Сего ради умиленно восклицаем ти:

Радуйся, носительнице света благодатного,
Радуйся, солнце лежавших во зле,
Радуйся, ты бо нас ко блаженству ведеши,
Радуйся, в капище Зевса заключенная,
Радуйся, его низложившая и разсыпавшая,
Радуйся, власов лишившаяся,
Радуйся, яко язычницы мысляху, яко во власех твоих чары обретаются,
Радуйся, и по острижении власов чудотворящая силою Христовою,
Радуйся, благоуханный цвете девства, славная мученице Татиано.

Кондак №12

Благодать от Бога получивши, к смертному часу пришла еси, егда бысть в капище Зевса заключена и по утру, егда приидоша язычестии жрецы, видевше Зевса повержена, а тя ликующу, паки ведоша тя на судище, и бысть смерть твоя от усечения мечнаго. Ты же, славная мученице, готовящися к селением небесным, взывала еси: Аллилуйя.

Икос №12

Поюще твое усечение мечное, восхваляем отшествие твое в вожделенное Отечество, идеже ныне ты ликуеши со Ангелы и святыми во славе невечерней. Сего ради приими от нас словеса сия:

Радуйся, мечем усеченная за Христа,
Радуйся, с родителем твоим пострадавшая,
Радуйся, венцев мученических сподобившаяся,
Радуйся, со Христом сочетавшаяся,
Радуйся, со апостолы ликующая,
Радуйся, со святыми мученики хвалу Богу возносящая,
Радуйся, не лишившая нас радости твоея,
Радуйся, наши сердца зажигающая Божественным огнем,
Радуйся, идолы наши попирающая,
Радуйся, начертавшая нам славу Христа,
Радуйся, благоуханный цвете девства, славная мученице Татиано.

Кондак №13

О, всеславная и великоименитая мученице Христова Татиано! Девства и чистоты сосуде златый! Ныне милостивно призри на молящиеся ти и прилежно просящия. Ты бо еси молитвенное у Бога предстательство, даруй нам чистоту тела и души, избави нас мучений греховных, да выну Господу зовем: Аллилуия.

\Этот кондак читается 3 раза, затем икос №1 и кондак №1\

Текст православной молитвы святой Татьяне

О, святая мученице Татиано, невесто Сладчайшего Жениха Твоего Христа! Агнице Агнца Божественнаго! Голубице целомудрия, благоуханное тело страданьми яко одеждами царскими одеявшая, к ликом небесным сопричтенная, ликующая ныне во славе вечной, от дней юности служительнице Церкве Божия, целомудрие соблюдшая и паче всех благ Господа возлюбившая! Тебе мы молимся и тебе мы просим: внемли прошениям нашим сердечным и не отвергай молений наших, даруй чистоту тела и души, вдохни любовь к Божественным истинам, на путь добродетельный введи нас, ангельское охранение испроси у Бога нам, наша раны и язвы уврачуй, юность огради, старость безболезненну и безбедну даруй, в смертнем часе помози, поминай наша скорби и отраду даруй, посети нас сущих в темнице греха, на покаяние настави скоро, возжи пламень молитвы, не остави нас сирых, да славяще страдания твоя, возсылаем хвалу Господу, ныне, и присно, и во веки веков. Аминь.

Текст тропаря святой великомученице Татьяне

Тропарь, глас 4

Агница Твоя, Иисусе, Татиана зовет велиим гласом: Тебе, Женише мой, люблю и Тебе ищущи страдальчествую и сраспинаюся и спогребаюся крещению Твоему и стражду Тебе ради, яко да царствую в Тебе и умираю за Тя, да и живу с Тобою, но яко жертву непорочную приими мя, с любовью пожершуюся Тебе: тоя молитвами, яко Милостив, спаси души наша.

Кондак, глас 4

Светло во страдании твоем возсияла еси, страстотерпице, от кровей твоих преиспещрена, и яко красная голубица к небеси возлетела еси, Татиано. Темже моли присно за чтущия тя